Programa Asaun Ekosistema Tasi Arafura no Tasi Timor (ATSEA, sigla Inglés) nu’udar inisiativa rejionál ida ne’ebé junta nasaun kosteiru sira iha Tasi Arafura no Tasi Timor (ATS, sigla Inglés) hodi aborda prioridade dezafiu sira iha transfronteira ambientál mariña. Dirije hosi Programa Asaun Estratéjika (SAP, sigla Inglés) tinan 2024-2033, ATSEA apoia governasaun mariña koordenada, jestaun bazeia ekosistema, no dezenvolvimentu programa inklusivu ne’ebé kobre iha rejiaun.
KONA-BA ATSEA
Programa ATSEA sai boot hosi diálogu sientífiku ki’ik ne’ebé kria kolaborasaun longu prazu hodi proteje no jere ekosistema sira ne’ebé importante liu iha mundu. Asuntu ida ne’e mak konvida nasaun haat hamutuk hodi asegura futuru kona-ba Tasi Arafura no Tasi Timor.
Ami-nia Istória
Hatuur Fundasaun – Plataforma ida kona-ba Partilla Koñesimentu
Iha tinan 2003, Forum Peritu kona-ba Tasi Arafura no Tasi Timor (ATSEF, sigla Inglés) hamosu espasu ida ba sientista sira no polítiku-nain sira hosi Australia, Indonézia, Papua Nova Giné, no Timor-Leste hodi troka koñesimentu kona-ba kondisaun no kestaun sira iha rejiaun tasi Arafura no Tasi Timor. Sira hamosu preokupasaun sedu kona-ba stók ikan sira ne’ebé menus dadaun ona, polusaun tasi, no peska ilegál. Diskusaun sira ne’e mak hamosu partilla komprensaun ba dezafiu sira iha rejiaun no kria baze asaun rejionál nian. Kontinua iha tinan tuir mai, ATSEF sai hanesan Plataforma ida hodi partilla nafatin kolaborasaun no aprendizajen.
ATSEA-1 – Nu’udar Vizaun Apoiada hosi Siénsia no Estratatéjia
Hetan apoiu hosi Fundu Global Meiu-ambiente (GEF, sigla Inglés) no Programa Dezenvolvimentu Nasaun Unidus (UNDP, sigla Inglés), programa ATSEA komesa ninia projetu etapa dahuluk iha tinan 2009 (ATSEA-1). Etapa ida ne’e prodús Análiza Diagnostika Transfronteira (TDA, sigla Inglés) dahuluk kona-ba rejiaun nian.
Kulminasaun atividade ATSEA-1 hahu wainhira hetan asinatura reprezentante Austrália, Indonézia, no Timor-Leste kona-ba deklarasaun ministerial iha tinan 2014, apoiu primeriu konjuntu ba Programa Asaun Estratéjika (SAP, sigla Inglés) no Progama Asaun Nasional (NAP, sigla Inglés), no estabelesementu kona-ba mekanizmu governasaun rejionál ne’ebé involve parte interesada hodi kordena implementasaun atividade sira. Akordu ida ne’e nu’udar planu konjunta no modalidade kolaborasaun multi parte interesada kona-ba jestaun sustentavel ne’ebé partilla rekursu mariña iha rejiaun ATS. Iha momentu ne’ebá, Papua Nova Giné partisipa iha etapa dahuluk nu’udar observadór.
Rezultadu sientífiku hosi TDA ajuda forma programa nasionál sira, inklui:
Asaun sira ne’e marka istória ida kona-ba oinsa nasaun sira bele utiliza partilla dadus no informasaun hodi dezenvolve instrumentu jestaun prátika.
ATSEA-2 – Fortalesimentu Asaun Rejionál no Inklusaun
Etapa daruak ATSEA (ATSEA-2) hahu iha tinan 2019 no hatama Papua Nova Giné nu’udar nasaun membru implementadór, fortalesimentu propriedade rejionál. ATSEA-2 apoia implementasaun dahuluk kona-ba ATS-SAP no NAP hosi Indonézia no Timor-Leste, no dezenvolvimentu Mekanizmu Governasaun Regionál (RGM, sigla Inglés). Konsidera dezenvolvimentu no envolvimentu kona-ba ameasa sira ne’ebé mosu iha rejiaun ATS, projetu refere mós fó apoiu ba atualizasaun Análiza Diagnostika Transfronteira (TDA, sigla Inglés) no dezenvolvimentu SAP foun ba tinan 2024 to’o tinan 2033, ne’ebé suporta NAP Indonézia, Timor-Leste no Papua Nova Giné. SAP foun ba tinan 10 nian fasilita nasaun membru sira hosi RGM no proposal kona-ba tranzisaun preparativus hosi projetu ATSEA-2 ba longu prazu mekanizmu kolaborasaun rejionál nian kona-ba dezenvolvimentu sustentavel iha rejiaun ATS.
Iha tinan 2024, ATSEA-2 hetan rekoñesimentu liuhosi Fundu Global Meiu-ambiente kona-ba portofolio aquatika internasional nu’udar primeriu klasifikasaun mais efikáz hosi 30 inisiativu governasaun mariña. Istória refere publika iha lansamentu mapa interativu global kona-ba konferénsia internasional aquatika ba da-10 nian.
ATSEA Nu’udar Programa Regionál – Komitmentu Ne’ebe Dura
Iha tinan 2024, ministru sira hosi nasaun ATS asina Deklarasaun Sydney. Formaliza komitmentu nasaun membru sira atu implementa SAP foun no institusionaliza ATSEA-RGM nu’udar mekanizmu koordenasun rejionál permanente. Komitmentu ne’e muda kooperasaun bazeia projetu ba suporta estrutura longu prazu nian hosi mandatu nasionál sira.
Ohin loron, ATSEA fornese fundasaun ida kona-ba lideransa regionál, asaun konjuntu, no governasaun mariña sustentavel iha Tasi Arafura no Tasi Timor.
Valór sira
Vizaun No Misaun
Ami nia Vizaun
Saudavel, reziliente, no Tasi Arafura no Tasi Timor ne’ebé produtivu hodi suporta umana no natureza.
Ami nia Misaun
Atu promove sosial, ekólojiku, no progresu ekonómiku liuhosi orientasaun parseiru kona-ba ekonomia azúl rejionál iha rejiaun Tasi Arafura no Tasi Timor.
