Ami hala’o k’nar iha nebe’e. Indonesia

Varias atividade dadauk ne’e iha planu nia laran ou hala’o hela iha Indonesia iha fatin sira nebe’e komponente prinsipal husi Programa ATSEA-2 bele halo mudansa iha kontestu konservasaun no vida moris loron-loron iha nivel lokal, no fo kontribuisaun  ba impaktu nebe’e luan iha regiaun ATS tomak.

 Maluku Distrito Ilhas Aru

Atu mantein stokes ikan no fortaleza industria lokal sira, ATSEA-2 sei implementa EAFM no Projeto Melhoria Pescas ou Fisheries Improvement Project (FIP) ba ikan mean no boek iha ilhas Aru, Provinsia Maluku. Projeto seluk iha regiaun ne’e sei fokus ba reforsu efetividae gestaun area konservasaun tasi Aru sudeste nebe’e iha tiha ona. Atividade komunidade nebe’e involve merkadoria pescas sei haforsa komunidade lokal sira hodi lidera atividade konservasaun kosteira.

Distrito Merauke-Papua

Iha Distrito Merauke, Papua, Indonesia, Projeto FIP sei fokus ba halo melhoramentu ba pescas barramundi, Nune mos area marinha protezida sei projeta di area Ilha Kolepon. Atividade komunidade sira sei iha planu nia laran.

Distrito Rote Ndao – Nusa Tenggara Timur

Lokalizada iha kosta sul distrito Rote Ndao iha Nusa Tenggara Timur, ATSEA-2 sei implementa varias planu Gestaun  Integardu Kosteira (GIK), nebe’e kompostu husi adaptasaun bazeadu ba ekosistema, intervensaun alternative ba vida moris loron-loron, no projeto kapasitasaun. Alen de ne’e, projeto ida ne’e sei prepara treinamentu no iha interkambio regional hodi responde mina nebe’e fakar no preparasaun ba gestaun dezastre ba parte lokal nebe’e iha kompetensia nebe’e eskolhidu mo reprezentate komunidade hodi rezolve mina nebe’e polusaun iha area refere.